21 iyul 2026-cı il tarixində ilk olaraq, İRU və BMT-nın təşəbbüsü, ABADA-nın təşkilatçılığı və dəstəyi ilə, Azərbaycan-Türkmənistan-Özbəkistan istiqamətində “e-Tir” pilot layihəsi çərçivəsində ABADA-nın üzvü olan “Elvin-R” şirkəti Ələt limanından Türkmənbaşı limanına beynəlxalq daşınmaları həyata keçirmişdir.
22 iyul 2026-cı il tarixində nəqliyyat vasitəsi Türkmənbaşı limanına çatmışdır. Orada İRU-nun, BMT-nın, Türkmənistanın Gömrüyünün və Avtomobil Daşıyıcıları Assosiasiyasının (THADA) əməkdaşları tərəfindən rəsmi qarşılanmışdır.
“e-Tir” sisteminə əsasən, keçid sürətli təşkil olunmuşdur. Qarşılanma mərasimindən sonra, nəqliyyat vasitəsi “Farap” keçid məntəqəsinə yola düşmüşdür.
“Farap”-da yaşıl dəhlizdən istifadə edərək Daşkənd gömrüyünə çatmışdır.
ABADA adından ilk “e-Tir” sistemi vasitəsi ilə beynəlxalq daşımaları həyata keçirən “Elvin-R” şirkətinə təşəkkürümüzü bildiririk.
24 iyul 2026-cı il tarixində e-Tir sisteminə əsasən daşımaları həyata keçirən Türkmənistana məxsus 4 ədəd nəqliyyat vasitəsi Ələt limanı istiqamətində yola çıxmış. 25 iyul 2026-cı il tarixində Ələt limanına çatmışdır
Limanda Türkmən nəqliyyat vasitələri Azərbaycan gömrüyünün əməkdaşları tərəfindən qarşılanmışdır.
