ABADA üzvlüyünə qəbul şərtləri

Hüquqi şəxslərin ABADA-nın üzvlüyünə

daxil olunmasının və

BYD (TIR) sisteminə buraxılışın əsas şərtləri

Hüquqi şəxs ABADA-ya aşağıdakı sənədləri təqdim etməlidir:

ABADA-nın üzvlüyünə daxil olmaq barədə və BYD (TIR) əməlliyyatında pozuntularla bağlı bütün gömrük iddialarına görə təşkilatın əmlakı ilə cavab verilməsini göstərən ƏRİZƏ.
Təşkilatın təsdiq edilmiş NİZAMNAMƏSİNİN SURƏTİ
DÖVLƏT QEYDİYYATINI TƏSDİQ EDƏN SƏNƏDLƏRİN SURƏTLƏRİ
Vergi idarəsinə verdiyi barədə qeydiyyatı olan mühasibat BALANSININ (illik yaxud kvartallıq) surəti
Marka və dövlət nömrəsini göstərməklə AVTONƏQLİYYAT VASİTƏLƏRİNİN (avtomobil, qoşqu, yarımqoşqu) SİYAHISI
AVTONƏQLİYYAT VASİTƏLƏRİNİN DÖVLƏT QEYDİYYATI HAQQINDA ŞƏHADƏTNAMƏLƏRİN SURƏTLƏRİ
Təyin edilmiş formada BYD (TIR) sisteminə buraxılış SİFARİŞI
Təşkilatın tam adını, ünvanını, telefon, faks nömrələrini və vergi idarəsindən verilən identifikasiya kodunu göstərən 70x20 mm ölçüdə dördkünclü ŞTAMP (ingilis dilində)
Gömrük möhürləri və plombları ilə yüklərin daşınmasına yol nəqliyyat vasitəsinin BURAXILIŞI haqqında ŞƏHADƏTNAMƏLƏRİN surətləri
BYD (TIR) kitabçalarının alınmasına və qaytarılmasına cavab verən şəxsin təyin edilməsi haqqında ƏMRİN SURƏTİ. Əmrdə cavabdeh şəxsin pasport göstəriçikləri qeyd olunmalıdır
Hüquqi şəxs 2600 MANAT məbləğində üzvlüyə daxil olunma haqqı ödəməlidir

Hüqüqi şəxs, Dövlət Gömrük Komitəsindən BYD sisteminə buraxılış haqqında icazəni alandan sonra, ABADA-ya BYD sisteminə buraxılış təminatını depozit şəkildə təqdim etməlidir

BYD sisteminə buraxılışı üçün Assosiasiyaya 5000 USD məsuliyyət təminatını ödəməli və yaxud təyin edilmiş qaydada məsuliyyətin sığortası şəhadətnaməsini təqdim etməlidir.

BANİ-nin Təlimatına əsasən ABADA, BYD sistemindən istifadə edilən AVTOMOBILLƏRIN SAYINDAN ASILI OLARAQ, DAHA YÜKSƏK DEPOZIT MƏBLƏĞI HÜQÜQI ŞƏXSDƏN TƏLƏB EDƏ BILƏR

Hüquqi şəxsin ödəmələr üzrə BÜDCƏYƏ BORCU OLMAMASI BARƏDƏ vergi orqanından ARAYIŞ (6 aydan sonra)
Beynəlxalq avtomobil daşimalarında 6 AYLIQ İŞ TƏCRÜBƏSİNİ təstiq edən sənədlər (CMR-lərin surəti)
Təşkilatın cavabdeh şəxsi və sürücüləri ABADA-nın nəzdində olan Tədris Kurslarında beynəlxalq yük avtomobil daşımalarında BYD kitabçalarının tədbiqi qaydaları üzrə təhsil almalıdırlar.

ABADA hüquqi şəxsə aşağıdakı sənədləri təqdim edir:

ABADA ilə hüquqi şəxs arasında müqavilə – 2 nüsxə
Öhdəlik-bəyannamə – 2 nüsxə
Sahib üçün Təlimatlar Toplusu - 1 nüsxə (qəbzlə verilir).

Yuxarıda göstərilən sənədlər hüquqi şəxs tərəfindən imzalanır, möhürlə təsdiq edilir və onların bir nüsxəsi ABADA-ya qaytarılır.

BYD (TIR) Konvensiyasının tələblərinə müvafiq olaraq hüquqi şəxs haqqında məlumat yoxlama keçirmək üçün Azərbaycan Respublikası Dövlət Gömrük Komitəsinə (DGK) təqdim edilir.

DGK-dən icazə alınandan sonra ABADA hüquqi şəxsin BYD (TIR) sisteminə buraxılışını rəsmiləşdirir.