Bu gün Azərbaycan tarixinin həm kədərli, həm də qürurverici səhifələrindən birini yaşayırıq. 1992-ci ilin fevralında Xocalıda baş verən soyqırımında yüzlərlə günahsız insan – qadınlar, uşaqlar, qocalar amansızcasına qətlə yetirildi. Bu faciə təkcə bir şəhərin deyil, bütöv bir xalqın dərdi oldu.
Lakin Azərbaycan xalqı heç vaxt əyilmədi, bu ədalətsizliyə susmadı. Xocalı qurbanlarının qanı yerdə qalmadı. 2020-ci ildə Müzəffər Azərbaycan Ordusu, Ali Baş Komandanın rəhbərliyi ilə Vətən müharibəsində tarixi Zəfər qazandı. Bu Zəfər, yalnız torpaqlarımızın azad olunması deyil, həm də Xocalı və digər şəhidlərimizin ruhunun rahatlıq tapması idi.
Bu gün biz Xocalı faciəsinin qurbanlarını anır, eyni zamanda, azadlıq və ədalət uğrunda mübarizəmizi Zəfərlə tamamladığımız üçün qürur hissi keçiririk.
Qarabağ Azərbaycandır!