Azərbaycan Beynəlxalq Avtomobil daşıyıcıları Assosiasiyası Bakıda keçirilən “5-ci yerli şirkətlərin tanıtım sərgisi”ndə təmsil olunur. Sərgidə ABADA-nı baş katib Kənan Qurbanov təmsil edir. 200-ə yaxın yerli şirkətin sənaye, kənd təsərrüfatı, qida, İKT, təhsil, inşaat, logistika, tekstil, digər sahələr üzrə məhsul və xidmətlərin nümayiş olunduğu tədbiri dəyərləndirən K. Qurbanov hesab edir ki, bu kimi sərgilər qarşılıqlı əlaqələrin gücləndirilməsi baxımından vacib platformadır.
Kiçik və Orta Biznesin İnkişafı Agentliyi (KOBİA) və “Marsol Group”un birgə təşkilatçılığı ilə keçirilən sərginin məqsədi Azərbaycan şirkətlərinin fəaliyyətini və yerli məhsulları geniş kütləyə tanıtmaq, onların yeni bazarlara çıxışını təşviq etmək, şirkətlər arasında qarşılıqlı əməkdaşlığı genişləndirməkdir.
