Azərbaycan Beynəlxalq Avtomobil Daşıyıcıları Assosiasiyası (ABADA) İdarə Heyətinin növbəti icrası keçirilib. İclasda ABADA-nın rəhbəri Həbib Həsənov, Baş Katibi Kənan Qurbanov, Baş Katibin müavini Hidayət Aslanov, İdarə Heyətinin üzvləri Rasim Binyətov, Abdulla Abdullayev, Vüqar Məmmədov, Azad Cəfərov, Rövşən İsgəndərli iştirak edib. Bir sıra məsələlər baxılaraq müzakirə edilib. Bunlar:
- Mövcud şəraitdə avtodaşıyıcılarımızın problemləri;
- Rusiya 3-cü ölkəyə/ölkədən “İcazə” blanklarının təminatı ilə bağlı yaranan çətinliklərin daşıyıcıların fəaliyyətinə mənfi təsiri;
- Bəzi fiziki şəxslərin daşıma qiymətlərinə dempinq (bilərəkdən aşağı salınması) qiymətlər tətbiq etməsinin daşımalara təsiri;
- Ölkəmizin ərazisinə daxil olan xarici nəqliyyat vasitələrinin taxoqraf cihzalarının, sənədlərinin və texniki göstəricilərinin yoxlanması barədə;
- ABADA-ya yeni üzvlərin qəbulu və digər məsələlər olub.
Qeyd olunanlar İdarə Heyəti tərəfindən baxılaraq, müvafiq Qərarlar qəbul edilib. Qəraların icrası ilə bağlı təkliflərin Rəqəmsal İnkişaf və Nəqliyyat Nazirliyininə göndərilməsi ABADA Katibliyinə tapşırılıb.
