Azərbaycan Beynəlxalq Avtomobil Daşıyıcıları Assosiasiyasının (ABADA) rəhbərliyi və əməkdaşları Bakı Ekspo Mərkəzində Bakı Enerji Həftəsi çərçivəsində keçirilən 21-ci Xəzər Beynəlxalq Nəqiliyyat, Tranzit və Logistika Sərgisində iştirak edib. Ölkədə nəqliyyat-logistika infrastrukturunun yenilənməsi və səmərəliliyinin təmin edilməsi istiqamətində atılan addımlarla tanış olan ABADA əməkdaşları yerli və xarici şirkətlərin nümayəndələri ilə işgüzar müzakirələr aparıb, gələcək əməkdaşlıq perespektivlərini müzakirə ediblər.
Qeyd edək ki, hər il olduğu kimi, “Translogistika Caspian” sərgisi bu il də ziyərətçilərinə yeniliklərlə tanış olmaq, yeni işgüzar münasibətlərin qurulmasına yardım etmək, əlaqələrin daha da möhkəmlənməsinə şərait yaratmaq fürsətləri verir.
Sərginin işində “Tez Logistik” “Abşeron Logistik” “166 Logistik” və digər logistika şirkətləri iştirak edib.
